Аллаһ Тағала Ниса сүресінің, 36 аятында «ата-анаға жақсылық істеңдер» деп бұйырды. Исламда әйел адамның орны ұлық. Жаратушысының мейіріміне лайық болып жәннәтқа кіруден үміттенген пенде анасының разылығын алуы керек. Пайғамбарымыз (с.а.с.): «Жәннәт ананың аяғының астында» - деп 14 ғасыр бұрын айтып кеткен. Шынында да, осыншама қиналып, көз жасын төге жүріп, бізді өсірген анаңа қолыңнан келгеніңнің бәрін істесең де, оның бәрі анаңның түн ұйқысын төрт бөлген бір күніндей ғана. Өз парызыңды өтеу, бұл – ана алдындағы парызды өтеу. Қаншама байлық иесі болсаң да, әлемге әйгілі адам болсаң да, анаңды, оның саған жасаған жақсылығын ұмытпау – сенің өмір бойындағы борышың. Қай адам қолынан келген сый – құрметін жасамады десеңші, шіркін! Бірақ соның бәрі анаңның бір ауыз жылы сөзіне де жетпейді. Ана бір қолымен бесік тербетсе, екінші қолымен әлемді тербетеді - деген дана қазақ халқы. Аллаһ Тағала барлық адам ана алдындағы парызын өтеп, ақ сүтін ақтап, ананың шашына ақ түсірмей, тек осы киелі жандардың бақытты болуын нәсіп етсiн. Жер бетіне жақсылық нұрын себетін аналарымыз аман болсын!
МашаАллаһ! Ғаламат! Керемет! Жатқан жеріңіз жайлы, жаныңыз жәннатта болғай, апатай! Аллаһым алдыңызды - пейіш, артыңызды -кеніш етсін! Сені сағындым. Бірақ мына күйбең тіршіліктің кесірінен кейде көп нәрсе ұмытылып кете береді. Аллаһым, өзің кешіре гөр!
"