«Ілім үйрену – барлық мұсылман ер мен мұсылман әйелге парыз!»
«Ғылым – мұсылманның жоғалтқан заты. Оны мүшріктердің қолынан болса да алыңдар».
«Жаттанды ілім – ілім емес, пайдасы тиген ілім – ілім».
«Іблістің адамдарға кіретін үлкен қақпасы – сауатсыздық».
«Сауатсызға білім үйрену – амал етуден абзал. Білімдіге амал ету – білім үйренуден абзал».
«Ілім – құлып. Көркем сұрақ – оның кілті».
«Ғалым бол немесе ілім үйренуші бол, не болмаса, ілімді естуші бол, бірақ әсте төртіншісі болма, құрисың!»
«Ілім алыңдар. Өйткені ілімді үйрену – сауап. Іздену – ғибадат. Қайталау – зікір. Зерттеу – жиһад. Білмейтіндерге үйрету – садақа. Оны лайықты адамға түгелдей аудару – құрбандық!»
«Ілім оқу кезінде ойланып миды шаршату – ораза ұстаумен тең. Ілімді қайталау – түнде тұрып намаз оқумен тең... Бақыттылар ілім алуға шабыттандырады. Бақытсыздар ілімнен тыяды».
«Жақсы бір кітапты үш рет оқуың – сен үшін үш жаңа кітап оқуыңнан пайдалырек».
«Ілім екі адамға қонбайды: Бірі – ұялшақ адам. Екіншісі – тәкәппар адам».
«Кім білгенін іс жүзіне асырса, Алла Тағала оған білмегенін үйретіп қояды».
«Ыдыстың бәрі ішіне салған сайын тарыла түседі. Бірақ ілім ыдысы, керісінше ілім алған сайын кеңейе түседі».
«Бір сағат ілім оқу - түні бойы намаз оқығаннан хайырлы».
«Уа, Аллам! Сенен пайдалы ілім, мол несібе және қабыл етілетін іс-амал сұраймын!»
