Парыз намаздармен бірге қоса оқылатын сүннеттер, үтір, тарауих және айт намаздары үшін уақыт шарт. Парыз намаздар: бамдат (таң), бесін, намаздыгер (асыр), ақшам (намазшам) және құптан намаздарынан тұрады. Жұма намазы да бесін намазының орнына өтеді. Уақыты кірмей ешқандай намаз оқылмайды.
Уақытынан кейін оқылған намаз – намаздың қазасы. Намаз парыз адамға намаздың уақыттарын білу аса қажет. Ал сол уақыттар Кітап пен сүннетте берілген.
