Алакеуім – жер беті толық жарықтанбай, болар-болмас бозғылт тартқан мезгіл.
Құланиек – таң жаңа сыз берген мезгіл.
Таң сəрі – жерге жаңа жарық түскен мезгіл.
Таңертең – таң атқаннан сəскеге дейінгі мезгіл.
Сəске – күн шылбыр бойы көтерілген мезгіл.
Сиыр түс – күн арқан бойы көтерілген мезгіл.
Ұлы сəске – түске жақындаған мезгіл.
Тал түс – сағат дəл 12 мезгілі.
Шаңқай түс – сағат 1-лер шамасы.
Ұлы бесін – сағат күндізгі 1–2-лер шамасы.
Кіші бесін – сағат күндізгі 3-тен өткен мезгіл.
Екінті – күн батуға жақындаған мезгіл.
Қызыл іңір – күн батқанмен, күннің қызылы батыстан əлі жоғала қоймаған мезгіл.
Кеш – күн толық батқан мезгіл.
Ақшам – қас қарайып, шам жағар мезгіл.
Іңір – алғашқы түн.
Жарым түн – түннің ортасы.
Түн – қас қарайғаннан таң атқанға дейінгі мезгіл.
