Сондай-ақ, б.з. 552-745 жылдарына тән бірқатар заттар табылды: ер-тоқым, ауыздық, саздан жасалған ваза, ағаш тостаған, астау, темір қазан, жылқының бүтіндей денесі, төрт түрлі дээли (моңғолдың ұлттық киімі) және де киізге оралып, мумияланған адамның денесі. 

Табылған заттар жақсы сақталған. Себебі, олар теңіз деңгейінен 2803 метр биікте орналасқан таулы аймақта үш метр тереңдікте, құрғақ әрі күн түсетін жерден табылған. 

Сонымен қатар, онда қойдың басы және киізден жасалған жол сөмкесі табылған. Сөмкенің ішінде қойдың қабырғасы, ешкінің сүйектері және де шәй шынысын салып қоюға болатын былғарыдан жасалған шағын сөмке болған. Бір таңқаларлығы, аяқ киім немесе басқа заттарға мұқият зер салар болсақ, тігістері қазіргі тігін машиналарымен тігілген дүниелерден еш кем емес. Қазіргі бренд компаниялардың өнімдеріне ұқсайды.