Ассаламуғалейкум! Бір баурымыз сұрап еді. Ол жігіт кондитер болып жұмыс жасайды. Оған тапсырыстар келіп түседі. Олардың ішінде адам бейнесін т.б бейнелер салып торт пісіру де бар екен. Осы бейнелерді салуға бола ма дейді? Есімбек
|
Торттарға адамның мүсінін бейнелеуге бола ма?
|
Уағалейкумуссәләм уә рахматуллаһ уә бәракәтуһ!
Деректерге сүйенсек, ертеректе өмір сүрген Ислам ғұламаларының көпшілігі тәттіге де тірі жанның мүсінің бейнелеуге болмайды деп есептеген. Ол да Пайғамбарымыздың (с.а.у.) тыйымы аясына кіреді дейді[1].
Әйткенмен, ұзақ сақталмайтын заттардан салынған мүсіндерге рұқсат дейтін ғұламалар да болды. Соның бірі Имам Құртуби өзінің тәпсірінде: «Жас қыздардың ойыншықтары тыйымның аясына кірмейді...Тәттіден немесе қамырдан жасалған мүсіндер де солай. Олар сақталмайды», - деген[2].
Қорытындылай келе, мүмкін болса торттарға да тірі жанның мүсінін бейнелемеген абзал. Бейнелесе де күнәсі жоқ. Одан бөлек, табиғаттың бейнесін, түрлі ғимараттардың, көліктердің т.б. жансыз заттардың бейнесін бейнелеуге рұқсат.
Ең дұрысы – Аллаға мәлім!
[1] Бухари – 5950: «Қиямет күні Алланың алдында адамдардың ең ауыр азапқа ұшырайтындары – суретшілер».
[2] Имам Құртуби: Сәбә сүресі, 13 аят тәпсірі.
Өзекті сұрақтар
Көп оқылғандар
■
Қасқырдың терісін неге іледі? Үйге аңның терісін ілуге бола ма?
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
