«Дивиденд» халал ма, харам ба?
«Дивиденд» халал ма, харам ба?
10 жыл бұрын 6781

Әссәләмуғалейкум!
Мен акциялардың «дивидендтері» жайында сұрағым келіп отыр. Сіздердің сайттарыңызда акция сатып алудың «халал» екендігі турасында жазған жауаптарыңызды оқығаным есімде. (Халықтық ІРО: мұсылман акционер бола ала ма?). Менің сұрайын дегенім: егер сол компания жылда бірнеше рет өзінің акционерлеріне дивиденд төлесе,  ол пайда халал болып саналады ма? 
Дивиденд – қысқаша айтқанда компанияның тапқан табысын акционерлермен бөлісуді білдіреді.  Алла разы болсын! Ермек Сүлейменов.

Уағалейкумуссалам! Ермек, өзіңіз айтпақшы акцияны сатып алған кісі ком­панияның тең иесі атанады және таза табыстың бір бөлігі – дивидендтерге ие бола алады. Дивиденд жылына бір мәрте не бірнеше мәрте төленуі мүмкін. Ол – халал. Бұл компанияның дивидендтік саясатына, қаржылық жағдайына байланысты.  

Бір компанияның акциясын сатып алып, компания табысының бір бөлігіне иелену -  фиқһ ғылымында «Шәрикатуль Ъинан» деген  серіктестікке саяды. Ъинан серіктестігі деп, екі кісінің бірігіп сауда құруы және түскен табысқа ортақ болуы[1].

[1] Проф.Доктор У.Зухайли, әл-Уәжиз: «Шарикатуль Әмуәл» - 2/139 бет. 

Абдусамат Қасым