Ассаляму алейкум! Баланы сүндетке отырғызғанда бізде үш, бес, жеті жасында отырғызу керек деген үрдіс бар ғой, шариғатта қалай? Жасына қарамай отырғыза берсе бола ма? Айгүл.
|
Баланы қанша жасында сүндетке отырғызу керек?
|
Бисмилләһир рахманир рахим, уағалейкумуссәләм уә рахматуллаһи уә бәракәтуһ!
Шариғатта сүндетке отырғызудың белгілі кесімді уақыты жоқ. «әл-Фәтәуә әл-Һиндия» кітабында баланың сүндеттелу уақыты «жеті жас пен он екі жас аралығы» деп берілген. Онда былай делінеді:
«Сүндетке отырғызудың ұнамды (мұстахаб) уақыты – жеті жастан бастап, он екі жасқа дейінгі аралық. Осы таңдалған уақыт, «сиррожия» кітабында солай келтірілген..».1
Бұл мәтінде де айтылып тұрғандай бұл уақыт - «мұстахаб», яғни, ұнамды, кеңес етілетін уақыт, одан ерте сүндетке отырғызса да болады.
Пайғамбарымыздың (с.а.у.) немерелерін туыла салып жетінші күнінде сүндетке отырғызғанына қарап, кей ғалымдар сәби кезінде де отырғызуға болады дейді, бірақ міндетті емес.
Қорыта айтқанда, баланы сүндетке отырғызудың оңтайлы жасын әрбір ата-ана өзі белгілегені жақсы деген ойдамыз, бастысы он екі жасқа шейін кешіктірмей атқарылғаны жөн. Халық арасында баланы мектепке дейінгі жаста сүндетке отырғызу дағдыға айналған, осы дағды бойынша төрт-бес жастарында сүндеттесе қате болмайды.
Әлхәмдулилләһи Раббиль аләмин!
1ابْتِدَاءُ الْوَقْتِ الْمُسْتَحَبُّ لِلْخِتَانِ مِنْ سَبْعِ سِنِينَ إلَى اثْنَتَيْ عَشْرَةَ سَنَةً هُوَ الْمُخْتَارُ كَذَا فِي السِّرَاجِيَّةِ. («әлФәтәуә әлҺиндия»)
Өзекті сұрақтар
Көп оқылғандар
■
«Домбыраны харам деген адамның намазы қабыл емес» деген сөз қаншалықты дұрыс?
■
Баланы қанша жасында сүндетке отырғызу керек?
■
Баланың жасаған амалдарының сауабы мархұм болған ата-анасына барып тұра ма?
■
Сағатты сол қолға тағуға бола ма? Сүннетке қайшы емес пе?
■
Шошқаның қылынан жасалған щеткаларды пайдалануға бола ма?
