|
Мүфтият Айдын Айымбетовті “киелі сумен шоқындыруына” қатысты жауап берді
|
Мүфтият өкілдері 2 қыркүйекте ғарышқа аттанған отандасымыз, Қазақстан атынан ұшқан тұңғыш ғарышкер Айдын Айымбетовтың ұшырылымында орын алған келеңсіз оқиғаға қатысты түсініктеме берді.
“Қазақстан мұсылмандары діни басқармасына және ҚМДБ-ның Қызылорда облысы бойынша өкілдігіне қазақтан шыққан үшінші ғарышкер – Айдын Айымбетовты ғарышқа ұшыру рәсіміне ұйымдастырушылар тарапынан шақырту келмеді. Діни рәсімдер орындалатыны жайында хабар жеткізілмеді”, – деп түсіндіреді ҚМДБ Баспасөз бөлімінің меңгерушісі Ағабек Қонарбайұлы.
“Тарихи шараға Бас мүфти бастап, имамдар дұға-тілектерін жаудырып, батасын беріп жатса, жарасып-ақ кетер еді деп ойлаймын. Имамдар қоғамдық іс-шараларға атсалысып, игі бастамаларда белсенділік танытып келеді”, – деп жалғастырды сөзін Діни басқарманың өкілі.
Еске сала кетсек, кеше, 2 қыркүйек күні, ғарышқа аттанар кезде қазақ ғарышкері Айдын Айымбетовті киелі сумен шоқындыру ғаламторда қызу талқыланып, жұртшылықтың наразылығын тудырған еді.
Халық ғарышқа аттанар алдында дін қызметшісінің ғарышкерлерді киелі сумен шоқындырғанына ерекше назар аударған.
Осы орайда оқырмандар Бас мүфтидің қазақ ғарышкеріне бет сипап, бата бермегеніне қынжылған. Сонымен қатар, киелі сумен шоқындырма деп айтпағаны үшін Айдын Айымбетовке кінә артқандар да табылды.
Дін тақырыбындағы пікірталастан үнемі қашып жүруші едім. Бірақ Айымбетовты «шоқындырған» көптің жазбасынан кейін ойыммен бөліскім келді...
Мен танитын бір жігіт бар. Жігіт ағасы деуге де болар, жасы 50-ге жақындап қалды. Ұлты – орыс. Аты-жөнін жазудың қажеті жоқ шығар. Қызметі әжептәуір оның өн бойынан өзім танитын екі жыл ішінде әлі күнге мін таба алмай келемін. Мінезі – жібектей, үнемі өзін-өзі жан-жақты дамыту үстінде жүреді.
Бірақ, бастысы ол емес. Бастысы, оның дін жолындағы ізденісі. Ол белгілі бір дінді ұстанбайды. Бірақ барлық дінді зерттеп, әрбірінің ең жақсы тұстарын бойына сіңірумен әуре. Жыл сайынғы еңбек демалысын осы мақсатқа арнап, әлемдегі түрлі дін ошақтарына барып қайтады. Мұндай «микс» дін оны адастырды деп ойламаймын. Оның руханияты – христиан, мұсылман және басқа да діндерді ұстанатын біздің көбімізден жоғары тұрғаны сезіледі. Оның артықшылығы – соқыр сенімге берілмейді, бәрін де жүрегінің сүзгісінен өткізіп қабылдайды.
...Таяуда бізбен бірге ораза ұстады. Өте жақсы әсер алғанын айтты. Бірақ одан мұсылман болып кеткен жоқ.
Abai.kz
Нұрболат Аманжол, Facebook-тегі парақшасынан алынды.
"Пайғамбарымыз "Адамзат баласы Алладан басқа Құдай жоқ, Мұхаммед Оның Елшісі деп куәлік сөзіне тілін келтіріп, (өз еркіменен) намаз оқып зекет бергенге дейін, күресуге бұйырылдым. Егер мұны атқарса, жане "Кәлима шаhадатты" жете түсініп, хақысын бере отырып амал жасаса - жандары мен мал-мүліктерін менен (яғни, мұсылман үмбетінен) аман сақтап қалды."(Бұхари, Мүлсім)- деген. Ендеше, жер бетінде жақсылық пен жамандық үшін болып жатқан күрестің үлкені қандай мақсатта болу керек екендігі осы хадистен байқаймыз. Бұл хадисті келтіру арқылы басқа дін ұстанғысы келетіндерге қарсы қанды қырғынға үндеуден аулақпын, алайда, ( басқа дін өкілдерiмен татулықты сақтаймын деп) өзінің асыл мақсаты не екенін ұмытпаса керек. Есі дұрыс мұсылман, өз дінiн басқаға жеткізу жолында парасатты түрде күресіп, бұл секілді жағдайларға салғырттық танытпасы анық. Дегенмен, бұл жағдай Қазақстан мұсылмандарының ел жаңалықтарына салғырт қарайтынын (кеш танысатынын) бір көрсетті деп ойлаймын...
Айдын шоқынған жоқ! Біріншіден, христиан дінінің қызметкері Байқоңырда Айымбетовтың бетіне су шашуы - шоқындыруға жатпайды. Ол жерде шоқындырудың элементтері болған жоқ. Шоқындыру жоралғысы әлдеқайда күрделі.
muslim.kz
Дереу күпірге шығару – тәкпіршінің мінезі
muslim.kz