|
ЖЕТІСУ ОБЛЫСЫНДАҒЫ «АҚСУҚАНТ» ЖШС-НЕ ХАЛАЛ КУӘЛІГІ ТАБЫСТАЛДЫ
|
Жетісу облысы, Ақсу ауданында орналасқан «АқсуҚант» ЖШС кәсіпорнына халал стандарты талаптарына сәйкестігін растайтын куәлік табысталды.
Куәлікті облыстың бас имамы Даутов Сәрсенбайұлы зауыттың бас директоры Макет Жақпарұлына салтанатты түрде тапсырды.
1967 жылдан бері тұрақты жұмыс істеп келе жатқан зауыт өңірдегі ірі өндіріс орындарының бірі саналады. Қазіргі таңда кәсіпорында 650 қызметкер еңбек етеді. Кәсіпорын жылына шамамен 100 мың тонна қант өндіреді.
Аудит нәтижесіне сәйкес, зауыттағы өндірістік үдерістер халал талаптарына толықтай сай ұйымдастырылғаны анықталды. Кәсіпорын өнім өндірісінде халал стандарттарының барлық қағидаларын сақтай отырып жұмыс атқарады.
«ХАЛАЛ ДАМУ» ӨКІЛДЕРІ ХАЛЫҚАРАЛЫҚ СЕРТИФИКАТ ИЕЛЕНДІ
Түркия Республикасының астанасы Анкара қаласында өткен халықаралық оқу семинары өз мәресіне жетіп, қатысушыларға арнайы сертификаттар табысталды.
Қазақстан мұсылмандары діни басқармасы жанындағы «Халал Даму» мекемесінің директоры Айбек Асқарбекұлы және мекеме мамандары – Мейіржан Бауыржанұлы, Гүлмира Маратқызы, Өміржан Тұрсынұлы “Халал аккредитациясы және персоналды сертификаттау бойынша техникалық оқу” және «OIC/SMIIC 3:2019 және OIC/SMIIC 34:2020 стандарттары бойынша халал өнімдерді аккредиттеу және персоналды сертификаттау» тақырыбындағы оқу бағдарламаларын сәтті аяқтап, арнайы сертификаттарға ие болды.
Айта кетейік, бұл оқу бағдарламасы халал аккредитациясы және персоналды сертификаттау бағытындағы кәсіби біліктілікті арттыруға, халықаралық тәжірибені меңгеруге мүмкіндік берді.
ШЫМКЕНТ ҚАЛАСЫНДА КӘСІПОРЫНДАРҒА ХАЛАЛ КУӘЛІК ТАБЫСТАЛДЫ
Шымкент қаласында бірқатар кәсіпорындарға «Халал Даму» стандарты талаптарына сәйкес халал куәлігі табысталды. Атап айтқанда, «BIO FOOD KZ» ЖШС және «Kemel Dan» ЖШС кәсіпорындары халал талаптарына сәйкестігін растап, арнайы куәлікке ие болды.
Аудит барысында өндіріс үдерістері, шикізат құрамы, санитарлық жағдай және халал стандарты талаптарының сақталуы толық тексеріліп, оң қорытынды берілді.
АҚТАУ ҚАЛАСЫНЫҢ ТАМАҚТАНУ ОРЫНДАРЫНА ЖАҢАДАН ХАЛАЛ КУӘЛІГІ ТАБЫСТАЛДЫ
Ақтау қаласында халал стандарты талаптарына сәйкестігін растаған бірқатар тамақтану орындарына «Халал Даму» куәлігі табысталды. Атап айтқанда: “Kitsu Rolls”, “Makione_munaily”, “DuDu Chicken”.
Тексеру барысында аталған кәсіпорындардың тағам дайындау үдерістері, қолданылатын шикізат көздері, сақтау шарттары мен санитарлық талаптардың сақталуы жан-жақты қаралды. Өндіріс орындарының жұмысы халал стандарт талаптарына сәйкес екені анықталып, оң қорытынды берілді.
Сонымен қатар, кәсіпкерлерге халал талаптарын тұрақты сақтау, өндірістік бақылауды күшейту және тұтынушыларға сапалы әрі адал өнім ұсыну бағытында түсіндіру жұмыстары жүргізіліп, әдістемелік ұсыныстар берілді.
АҚМОЛА ОБЛЫСЫ: «КИМ А.И.» ЖК ӨНДІРІСІНЕ «ХАЛАЛ ДАМУ» КУӘЛІГІ ТАБЫСТАЛДЫ
«Халал Даму» стандарты талаптарына сәйкестігін растаған «Ким А.И.» жеке кәсіпкерлігінің өндіріс орнына ресми түрде халал куәлігі табысталды.
Сертификаттау барысында өндірістік үдерістер, қолданылатын шикізаттар мен өнім дайындау кезеңдері толық тексеріліп, халал талаптарына сай екендігі анықталды.
Айбек Асқарбекұлы өз сөзінде:
«Халал куәлігін алу — кәсіпорын үшін үлкен жауапкершілік. Бұл тек құжат қана емес, өндірістің әр кезеңінде халал талаптарының сақталатынын білдіреді. Алдағы уақытта да кәсіпорын халал стандарттарын тұрақты түрде ұстанып, тұтынушылар сенімін ақтайды деп сенеміз.»
Аталған куәлік кәсіпорын өнімдерінің халал стандарттарына сәйкес өндірілетінін және тұтынушыларға адал әрі сапалы өнім ұсынылатынын растайды.
ҚАРАҒАНДЫ ҚАЛАСЫНДА «КОФЕХАНА SAADA» ХАЛАЛ КУӘЛІГІН АЛДЫ
Қарағанды қаласында орналасқан «Кофехана Saada» кофеханасы халал талаптарына сәйкестігін растап, «Халал Даму» мекемесінің халал куәлігіне ие болды.
Куәлік беру алдында кәсіпорында аудит жұмыстары жүргізіліп, тағам дайындау үдерісі, қолданылатын өнімдердің құрамы, шикізат жеткізушілері және санитарлық-гигиеналық талаптардың сақталуы жан-жақты тексерілді. Тексеру нәтижесінде мекеменің халал стандарттарына сай қызмет көрсететіні анықталды.
Аталған куәлік тұтынушыларға адал әрі сапалы өнім ұсынуға бағытталған жұмыстардың нәтижесі болып табылады.
