Қазақстан азаматтарының өзге мемлекеттерге еркін шығуын қамтамасыз ету үшін, ҚР ІІМ заңға 16 жасқа дейінгі балалардың фотосуретін ата-анасының төлқұжатына жапсырудан бас тартуды қарастыратын өзгеріс енгізеді, деп хабарлайда ІІМ баспасөз қызметіне сілтеме жасап Stan.kz ақпарат агенттігі.

ҚР «Жеке басты куәландыратын құжаттар туралы» заңына сәйкес, Қазақстан Республикасының азаматының төлқұжатын16 жасқа дейінгі балалар ата-анасымен бірге шет елге шыққан жағдайда, ата-анасының төлқұжатына олар туралы мәлімет енгізіліп, фотосуреті жапсырылады.

Әлемде терроризм және экстремизм қаупінің күшеюіне байланысты, көптеген елде шекарадан өту талаптары қатаңдандырылды.

Ата-анасымен бірге мемлекет шекарасынан асқан 16 жасқа дейінгі балалардан өзге ел аумағына кіру үшін ҚР азаматының төлқұжатын міндетті түрде талап ететін мемлекеттер саны артып жатқаны байқалады.

Сондықтан еліміздің азаматтарына өзге мемлекеттердің шекарасына еркін өтуін қамтамасыз ету үшін, ІІМ 16 жасқа дейінгі балалардың фотосуретін ата-анасының төлқұжатына жапсыру туралы заңға өзгеріс енгізеді. Сәйкесінше, шет елге шығу үшін, балаларға жеке төлқұжат рәсімделуі қажет.

Аталған өзгеріс 2019 жылдың 1 қаңтарынан бастап өз күшіне енеді.