Қазақстанда 400 мыңнан аса ана балаларын жалғыз тәрбиелеп отыр. Бұл туралы Қазақстан халықтары ассамблеясы жанындағы Аналар кеңесі жиынында ҚР Білім және ғылым министрлігі Балардың құқығын қорғау комитеті төрағасы Аяш Макенова айтты, - деп хабарлайды Tengrinews.kz тілшісі.

"Өкінішке орай статистика қуантпай отыр. Қазақстанда бүгінде бір балалы отбасы саны - 998 мың, екі балалы - 865 мың, үш балалы - 400 мың. Елімізде 72 мың бала некесіз туылған, 400 мыңнан астам жалғыз басты ана, 60 мыңға жуық жалғыз басты әке бар. 700 мыңға жуық бала тек анасымен тұрса, 300 мың бала әкесімен ғана өмір сүріп жатыр", - деді Макенова.

"Балалар үйінде 8 мыңға жуық бала тәрбиеленіп жатыр. Біз неліктен осы 8 мың балаға отбасы тауып бере алмаймыз? Бұл біздің қолымыздан келеді", - деді Макенова. Оның айтуынша, елімізде 31 мың жетім бала бар.