Грузия біздің елге зәйтүн көшеттерін жіберді. Еліміз зәйтүн хабын құрып, экспорттаушыға айналмақ. Бұл туралы 24.kz ақпарат көзі хабарлады.

Грузин мамандары Қазақстанның оңтүстігі мен оңтүстік-батысындағы климат зәйтүн өсіруге қолайлы, деп сенеді. Былтыр инвесторлар қазақ елінің 3 аймағында зәйтүн көшетін еккен. Бұл жолы көшеттің жаңа партиясы Түркістан мен Маңғыстау облыстарына жеткізілді. Қазақстандықтар қазан айында өз жерінде өскен зәйтүн жемісін жей бастауы мүмкін.

Бұл ағаш 2 жарым мың жылға дейін өмір сүреді. Грузияда 1 млн 200 мыңнан астам зәйтүн өсімдігі бар. Грузин майы премиум класқа жатады және Грекия, Италия мен Испаниядан кейін әлемдегі үздік төртікке кіреді.

Лия Сихашвили, жұмысшы: - Біздің шаруашылық 5 гектар аумақты алып жатыр. Осында көшеттерді баптап өсіреміз. Оларға күтім жасау аса қиын емес. Ең бастысы, бәрін ережеге сай істеу қажет.

Грузин мамандары Қазақстанның оңтүстігі мен оңтүстік-батысындағы климат зәйтүн өсіруге қолайлы деп сенеді. Былтыр инвесторлар қазақ елінің 3 аймағында зәйтүн көшетін еккен. Бұл жолы Түркістан мен Маңғыстау облыстарына жаңа партия жеткізілді.

Александр Чахнашвили, компания менеджері: - Қазақстанға өсіп тұрғанына 150 жыл болған ағаштардан алынған – 10 түп, 50 жылдық – 12, 30 жылдық – 15 түп көшет жібердік. Қалған 3 жарым ағашқа 5 жыл ғана болған. Олар биыл өнім береді.

Бейбітшілік символы – зәйтүн сабағын тиеген жүк көлігі Қазақстанда 4 күннен кейін болуы керек. Алдағы уақытта біздің елде зәйтүн өңдейтін зауыт пайдалануға берілмек. Үкімет зәйтүн экспорты үшін қажет халықаралық сертификат алуды жоспарлап отыр.