Еліміздің селекционерлері тайыншадай қой өсіруде

10 жыл бұрын 4351

Атырау селекционерлері салмағы жағынан тайыншадай болатын қой өсіруде. Бұл жайында «24.kz» ақпарат көзі хабар таратты. Еділбай тұқымына жататын қойдың салмағы 100-ден 150 келіге дейін тартады. Бір қойдан 3 келіге дейін жүн алуға болады. Аптап ыстыққа да, қақаған аязға да төзімді қойды қыстың көзі қырауда қорада қамап ұстамаса да болады. Яғни, 40 градус аязда да өз бетінше жайылады. Аталмыш ақпарат көзінің хабарына қарағанда, оның етіне сұраныс өте жоғары. Оның еті тек аймақта ғана емес, сонымен қатар, Ресей мен Кавказда үлкен сұранысқа ие.