Атырау қаласында денесіне «Алланың» аты жазылған ерекше адам тұрады. 40 жастағы Арман Құспанәлиев қаңтардың 25-інен 26-на қараған түні қызуы қатты көтеріліп ауырады. «Ол мұсылманша мәуліт айының аяқталған сәті», – дейді білетіндер. Кейін басын көтерген соң денесінен арабша жазу таңбаларын байқаған. Атап айтқанда, тілінде және жүрек тұсында «АЛЛА» деген жазу анық көрініп тұр. Ал сол жақ қолына жазылған ұзақ сөйлемнің қандай мағына беретінін білу үшін біздің тілшілер Атыраудағы орталық «Иманғали» мешітінің имамдарынан көмек сұрады.  

Мұрат Жамалиддинұлы, «Иманғали» мешітінің наиб-имамы:

- Арман ағамыздың денесіндегі жазудың мағынасы «бүкіл мал-мүлік, аспан да, жер де жалғыз болған, өте үстем болған Алланікі» дегенді білдіреді. Бұл жазудан ешқандай қорқудың қажеті жоқ. Бұл – бізге жоғарыдан жіберлген белгілердің бірі.

Арман Құспанәлиев, Атырау қаласының тұрғыны:

- Мұндай жазу менің денемде 2012 жылы Ораза айында да пайда болған. Бірақ ол көмескі көрініп тұрғасын жария етуге жүрексіндім. Енді осы жолы 3 жерден анық көрініп тұр. Бұл да болса, Алланың маған деген ықыласы болар деп ойлаймын. Басқадай ерекше қасиетім жоқ. Қарапайым адаммын.