Аш егеуқұйрық 9 жастағы қызға шапты

Ақтөбедегі «Оңтүстік-Батыс» ауданында орналасқан дүкен маңында 9 жастағы мектеп оқушысына аш егеуқұйрық тап берген. Бұл оқыс оқиға жайында облыстық клиникалық балалар ауруханасының травматолог дәрігері Талғат Артықбаев хабарлады. «Егеуқұйрық жеткіншектің иығына секірген. Сол жерден өтіп бара жатқан ер адам егеуқұйрықтан құтылуға көмектескен. Егеуқұйрық қыздың қолын тістеп алған екен»,- деді ол бұл оқиғаның қалай орын алғанын баяндап. Зардап шеккен жеткіншек ауруханаға жеткізіліп, құтыруға қарсы ем тағайындалды.