Түркияның Неушеһир провинциясына қарасты Есентепе ауданында орын тепкен Талшыбел Шишеклі мешіті жасыл желекпен жайқалып, гүлмен көмкерілген. Арасында лимон мен зәйтүн ағаштары кездесетін және өзге де түрлі гүлден жұпар аңқыған мешіттің мұндай әсем баққа айналуына аталған мұсылмандардың құлшылық үйінің имамы Ахмет Айдемирдің сіңірген еңбегі көп. 1992 жылдан бері осы мешіттің отымен кіріп, күлімен шыққан имам бұл игі істі 1995 жылдан бері қолға алғанын жеткізді. Оның бұл бастамасын жергілікті жамағат та қолдап, қолұшын берген.

Имам Ахмет Айдемир / Yayıncı FİB Haber

Әсіресе, өсімдіктерді күтіп-баптауға балалардың көп көмегі тиген. Оларды ынталандыру үшін гүл отырғызылған әр құтыға оның күтіп-баптайтын баланың есімін жазып отырған. Имамның өзі таң намазынан кейін өсімдіктерге қарап, арнайы уақытын бөліп отырған екен.