Зағиптердің көру қабілетін қалыптастыру үшін генді редакциялайтын әдіс қолданды
Зағиптердің көру қабілетін қалыптастыру үшін генді редакциялайтын әдіс қолданды
2 жыл бұрын 1137 islam.kz-ке сілтеме берілуі міндетті

Орегон университетінің дәрігерлері медицина және ғылымда, жалпы тарихта тұңғыш рет туабітті зағиптердің көру қабілетін қалыптастыру үшін кейінгі кезде күрделі ауру түрлерін емдеу саласына батыл енгізіліп жатқан CRISPR генді редакциялау тәсілі қолданылды. Бұл жайында Science Alert ақпарат көзі хабар таратты. Емдік мақсаттағы өзгеше процедура тәжірибеге өз еркімен қатысқан, тұқым қуалайтын соқырлықтың ішінде кеңінен тараған – Лебер амавроз диагнозы қойылған науқасқа қолданылды. Сынақ барысында ғалымдар CRISPR құралын пациенттің көз торына енгізді. Ғалымдардың айтуынша, ол жасушаға еніп, ақауы бар CEP290 генін өздігінен кесіп, оның орнын жұмыс істейтін көшірмесімен алмастырады.

CRISPR — генді редакциялаудың тың тәсілі. Ол бактерияның иммундық жүйесіне негізделеді. Аталмыш технологияның негізінде бактериалды ДНК-ның айрықша бөлігі, CRISPR жатады. Бактериялық жасушаға вирус түскенде немесе ген зақымдалғанда бұлар CRISPR-пен байланысты мамандандырылған Cas-ақуызының көмегімен табылады, ол вирус түскен ДНК-ны кесіп тастайды. Осылайша жасушаны инфекциядан сақтайды. Туабітті зағипке қатысты қолданылған аталмыш тәсілдің тиімділігін анықтау үшін бір ай күту керек. Егер алғашқы талпыныстың қауіпсіздігі белгілі болса, дәрігерлер тағы 18 науқасқа аталмыш тәсілді қолданып, тәжірибені жалғастырады.

0 пікір
Мұрағат