Қытай ғалымдары келешегі кемел жаңалық ашты: көмірқышқыл газын күрделі көмірсуға айналдырудың жолын тапқан, атап айтқанда, СО2-ні қантқа, фруктозға, глюкозаға және тағам мен химия неркәсібінде пайдаланылуы мүмкін өзге де органикалық заттарға айналдыратын әдісті ашты. Бұл жайында islam.kz порталы scmp.com ақпарат көзіне сілтеме жасай отырып мәлім етеді. Бұл тәсіл бірден екі мәселені шешуге көмектеседі: біріншісі – атмосферадаға көмірқышқыл газының деңгейін төмендетеді, екіншісі – азық-түлік қауіпсіздігін қамтамасыз етеді. Көмірқышқыл газын пайдалы нәрсеге - отынға, химиялық шикізатқа, тіпті, азық-түлікке айналдыру технологиясын әзірлеу барысында ғалымдар CO ₂-ді қарапайым молекулаларға айналдыру тетігін тапты. Алайда, көмiрқышқыл газын ұзын тiзбектерден (көмiртегiнiң 12 атомынан астам) тұратын көмiрсутектерi мен көмiрсутектерiне айналдыру үшiн тер төгуге тура келді. Қытай ғылым академиясының Тянжин өнеркәсіптік биотехнология институтының ғалымдары осындай жетістікке қол жеткізе алған екен. Қытай климаты жылы және ылғалды ел ретінде өзін қамыс немесе қызылша қантымен толық қамтамасыз ете алады. Алайда, іс жүзінде аталған елде жыл сайын тұтынылатын 15 млн тонна қанттың шамамен 5 млн тоннасын импорттайды. Егістік үшін ауыл шаруашылығы алқаптарын кеңейту өз кезегінде қоршаған ортаға қосымша салмақ түсіреді және жерді шамадан тыс пайдалану нәтижесінде климатқа теріс әсер етуі мүмкін. Міне, осындай факторларға байланысты ауадан қант өндірудің маңызы өте зор. Бұл тарапта қытай ғалымдары CO ₂-ден күрделі көмірсутектерді тиімді синтездеу процесін қаалыптастыра алды. Алдымен катализаторлар мен ферменттердің көмегімен метанол синтезделеді, содан кейін оның негізінде азық-түлік және химия өнеркәсібі үшін фруктоза, амилоза, амилопектин, целлобиоза және целлолигосахаридтерді қоса алғанда, түрлі қосылыстар алуға болады. Конверсия тиімділігі 86% -ға жетеді, ал реакциялық тізбектер қысқа болғандықтан процес барысында энергия шығынын едәуір қысқартады. Көмірқышқыл газын түрлендірудің бірегей әдісі зертханада сәтті сынақтан өткізілді.