Жапон компаниясы тері кемшіліктерін жасыратын спрей жасап шығарды. Бұл спрейге "екінші тері" деген атау берілген, деп жазады Massaget.kz. 

Бүріккіш зат теріге себілген кезде сыртқы мембранасына жабысып, кішкентай талшықтар адам терісінен айнымайтын қабат түзеді. Кез келген пішінге ене алатын және терінің кез келген кемшілігін жабатын жасанды теріні созуға да болады. Талшықтар ауа мен ылғал өткізеді.

Компания "екінші тері" көмегімен терінің күйіктерін жасыруға және олардың қалпына келуін тездетуге болады деп болжап отыр. Мұндай спрей науқастарға операциядан кейін де көмектеседі. Бұл спреймен терідегі қал мен тыртықтарды жасыруға болады.

Технология кең таралса, сауда көлемі 100 миллиард иеннен (918 миллион доллар) асады деген үміттеміз, - дейді компания президенті Kao Мичитака Савада.  

Сатуға әлі шықпаған спрейдің бағасы шамамен 532 доллар болатыны белгіленді.