Челябі қаласындағы Оңтүстік-Орал мемлекеттік университетінің ғалымдары жеуге болатын ыдыс ойлап тапты, деп жазады sputniknews.kz ақпарат көзі. Тіпті, жаңа ыдысты күнделікті тұрмыста пайдалануға да болады. Сарапшылар инновациялық материалдың биопленкадан жасалғанын айтты. Оның еш зияны жоқ. Ғалымдар химикаттарды қолданбай, өздігінен ыдырайтын биологиялық пластикке пішін бере алады. Инновациялық материалдан бір рет пайдаланатын тәрелке ғана емес, дәрілердің капсулалары мен қаптама жасауға болады.