Бірдей егіздердің ДНҚ-сы толық бірдей болмайтыны анықталды
Бірдей егіздердің ДНҚ-сы толық бірдей болмайтыны анықталды
1 ай бұрын 3197 islam.kz-ке гиперсілтеме берілуі міндетті

Бірдей егіздер бір ұрық жасушасының бөлінуінен пайда болады әрі ата-анасының бірдей генетикалық материалына ие болады. Алайда, таяуда жүргізілген зерттеу нәтижесі туған кезде олардың бірдей генетикалық материалға ие болатынын көрсетпеген. Бұл жайында islam.kz порталы аталмыш зерттеуге қатысты материал жарияланған Nature Genetics мерзімді басылымына сілтеме жасай отырып мәлім етеді. Кей аурулар (мәселен, аутизм, т.б.) немесе белгілер егіздердің бірінің бойынан көрініс тапса, бұл қоршаған ортаның әсерінен емес, негізінен генетикалық мутациядан болуы мүмкін. Ғалымдар бұл бағытта арнайы жүргізілген тәжірибе барысында бірдей егіздердің 387 жұбының екі сыңарының, сондай-ақ, олардың ата-анасының, балаларының гендерін секвенирлеу (Секвенирлеу (sequencing) – ДНҚ молекуласындағы нуклеотидтердің ретін анықтауға мүмкіндік беретін әдістердің жалпы атауы. ДНҚ-ны секвенирлеу – дезоксирибонуклеин қышқылының бірінші реттік құрылымындағы нуклеотидтер ретін оқу. – Уикипедия электронды анықтамадан) арқылы мутация жиілігін сараптаған болатын. Белгілі болғандай, егіздер дамудың алғашқы сатысында пайда болатын, орташа есеппен алғанда 5,5 мутациямен (өсе келе мұндай мутациялар саны арта береді) бір-бірінен айрықшаланатын болып шықты. Яғни, ата-анасынан бірдей генге ие болғанымен өсіп-жетілу барысында олардың гендері түрлі өзгеріске (мутацияға) ұшырайды. Ғалымдардың есебіне қарағанда, әлемдегі бірдей егіздердің шамамен 15 пайызында егіздердің бірі сыңарына қарағанда генетикалық тұрғыдан көбірек сутацияға ұшыраған. Алайда, зерттеуде геннің қай жерінде мутация жүретінін және белгілі бір ақуыз түрлерін кодтайтын гендерде де мұндай мутацияның болатыны немесе болмайтыны айтылмаған.

0 пікір
Мұрағат