Луизиана Университетінің ғалымдары жүргізген зерттеу нәтижесі құлақ асуға тұрарлық. Оған сәйкес, алмұртты жиі жеген адамдардың белі едәуір жіңішкерген. Сондай-ақ осы қатысушылардың семіздікке шалдығу қаупі де сейілген. Бір қызығы, тәжірибеге қатысу кезінде алмұрт жемісін жегендер мен жемегендердің атқарған физикалық жаттығулары бірдей болыпты. Олардың ішіп-жеген тамақ мөлшері де ерекшеленбеген.  Ғалымдардың айтуынша, алмұрт жегіштер өзгелерден дұрыс тамақтанған. Себебі олардың ағзасына осы жеміс арқылы C дәрумені, магний, калий және талшықтар жеткізілген, деп жазады Science World Report. Әдетте құрамында талшығы бар өнім салмақты бірқалыпты күйде ұстап тұруға көмектеседі, деп хабарлайды MedDaily.ru.