«әл-Азһар» университеті христиандарға да білім беретін болды

Мысырдағы әлемге әйгілі «әл-Азһар» ислами білім беретін жоғарғы оқу орны ел билігінің осы заманғы демократиялық қоғам құру туралы бастамасына қолдау білдіріп отыр. Қолдау білдіргенде де аталған ел аумағында тұратын копт христиандарына есігін айқара ашпақ. Дәлірегі, осы университет қабырғасында білім алғысы келетін христиан студенттері үшін арнайы курс ашуды жоспарлап отыр. Бұл жайында «әл-Азһар» басшылығы мәлімдеді. Христиан талапкерлері де мұсылмандар секілді емтихан тапсырады. Соның ішінде, қасиетті Құраннан бірнеше сүрені жатқа білуі тиіс.