Шағын экрандардан тұратын өзгеше дулыға немесе бетперде кез келген бет-бейнеге айналады. Бәрі сіздің қиялыңыз бен қалауыңызға байланысты өзгереді. Бұл жайында islam.kz порталы hackaday.io ақпарат көзіне сілтеме жасай отырып мәлім етеді. Шон Хожын есімді YouTube әлеуметтік желісінің блогері әрі өнертапқышы адамның басын матрикалық панелдерден 3D-бейнеплерге айналдыратын, жарық диодтарымен көмкерілген бетперде ойлап тапты. Ерекше құрылғы пайдаланушының бет-бейнесін кез келген әлпетке өзгерте алады. Бұл арада барлық жүйе бастан-аяқ банк картасының көлеміндей Raspberry Pi шағын компьютермен басқарылады. Автор түсіндіріп өткендей, маска шағын дисплейлер қызметін атқаратын жекелеген панелдерден құрастырылады. Ол үшін олар 20 долларға дәнекерленген темірді пайдалана отырып орнатылған мыңдаған жарық диодтарымен жабдықталған. Бұл ретте әрбір осындай «пикселдің» жеке адресі болады, сондықтан құрылғыда кез келген суретті мейлінше, егжей-тегжейлі көрсетуге болады. Осыншама жарық диодтарын басқару оңай емес, сондықтан өнертапқыш тек Raspberry Pi контроллері ғана емес, сонымен қатар, қосымша Pixelblaze LED тақтасын пайдаланды. Соңғысы осыншама «пикселмен» қалай жұмыс істеу керектігін біледі, сонымен қатар, оларды реттеуде де көмектеседі.