Көп ұзамай Түркиядағы әрбір төртінші ұшқыш әйел адам болады. Мұндай пікірді Түрік аэронавтика қауымдастығы университетінің деканы Осман Қош білдірді. Бұл жайында islam.kz порталы Hurriet ақпарат көзіне сілтеме жасай отырып мәлім етеді. Оның айтуынша, соңғы екі-үш жылда өзі дәріс беретін оқу орнында ұшқыш мамандығын таңдаған қыздардың қатары жылдан-жылға артып келеді. Қазіргі уақытта Осман Қош аэробатика факултетінде 36 адамға сабақ береді, олардың үштен бірі - қыздар. Бұрын қыздар негізінен авиацияға жерде жұмыс істейтін кадрларды дайындайтын мамандықтарға түсетін. Қазір жағдай өзгерген.