Қытайдың ғарыштағы ірі қадамы

Қытай Жерден шамамен 36 000 шақырым биіктікте, геостационарлық орбитада орналасатын, ені бір километрге жуық күн панельдері жүйесін салуды көздеп отыр..

Бұл бастаманың негізгі мақсаты – атмосфералық кедергілерсіз күн энергиясын тиімді пайдалану және оны радио толқындары арқылы Жерге жеткізу.

Қытай мұнай өндіруден де көп энергия өндіре алатын алып күн электр станциясын ғарышта орнатуды жоспарлап отыр. Ол геосинхронды орбитада орналасқан үлкен күн панельдері арқылы күн сәулесін ең жоғары деңгейде пайдалануды көздейді.

Жоба таза энергия көздеріне көшудің маңызды қадамы болуы мүмкін. Қытай жаңа ауыр зымырандарын пайдаланып, ғарышта құрастырылатын бір километрлік күн электр станциясын салуды мақсат етеді.

Бұл ғарыш панелі Жер бетінде болмайтын артықшылықтарға ие: ол тәулік бойы күн сәулесін қабылдай алады, бұлтты ауа райынан тәуелсіз жұмыс істейді, сондай-ақ атмосферадан тыс орналасқандықтан күн радиациясының жұтылу мәселесін де айналып өтеді.

Жобаның басты қиындықтарының бірі – ғарышта осындай алып құрылысты құрастыру және алынған энергияны микротолқындар арқылы Жерге жеткізу. Бұл үшін технологияның қауіпсіздігі, тиімділігі мен экономикалық тұрғыдан қолдануға лайықтылығы жан-жақты сынақтан өтуі тиіс.

Қытайдың бұл жобасы қазба отындарға тәуелділікті азайтуға мүмкіндік береді. Сонымен қатар, басқа мемлекеттерді де ұқсас технологияларды дамытуға ынталандырып, климаттың өзгеруімен күресте халықаралық ынтымақтастықты арттыра алады деп күтілуде...

Өмір Шыныбекұлының Фейсбуктегі парақшасынан