Меккеден сирек кездесетін құбылыс байқалды
|
Қасиетті Мекке шаһарының тұрғындары мен қала қонақтары, кіші қажылығын өтеуге келгендер сирек кездесетін аспан құбылысын таспаға тартып алыпты: жексенбіден дүйсенбіге қараған түні Ай киелі Қағбаға перпендикуляр келіп, әл-Харам мешітінің үстінен тігінен жайғасқан. Бұл жайында Saudi Gazette мерзімді басылымы хабар таратты. "Бұл құбылыс исі мұсылманға намаз оқитын бағытын анықтауға көмектеседі",- деп мәлімдеді осы құбылысқа байланысты Жидда қаласындағы астрономия қауымдастығының президенті Мәжит Әбу Зәһір. Мұндай тосын құбылыс соңғы рет 2012 жылдың соңына таман байқалған болатын.