Иракта дөңгелекті робот шығарылды. Жоба авторларының айтуынша, «темір солдат» жуық уақытта нағыз соғыс алаңында лаңкестерге тойтарыс беруге қауқарлы. «Механикалық солдатты» Ирактағы ағайынды жігіттер жасап шығарған. Олар өз туындыларын «AIrobot» деп атапты. Қазір бұл құрылғы соңғы сынақтан өткізілуде. Егер «механикалық солдат» барлық сынақтардан өтсе, таяу арада ол Мосул қаласындағы ДАИШ террористік ұйымы территориясына жіберілетін болады. «AIrobot» арнайы пулеметпен, сондай-ақ ракетамен және төрт бірдей бейнекамерамен жасақталған. «Механикалық солдат» радиоарна арқылы ноутбукпен басқарылады. Роботтың көру мүмкіндігі бір шақырымды қамтиды.