Құрастырылатын құрылым немесе конструкция жолдағы көлік қозғалысына кедергі келтірмейді және кез келген уақытта, кез келген ауа райында жұмыс істеуге мүмкіндік береді. Бұл туралы islam.kz порталы astra.admin.ch ақпарат көзіне сілтеме жасай отырып мәлім етеді. Швейцарияның федералды жол әкімшілігі жөндеу жүргізіліп жатқан тас жол бөлігінде айналма жолды ұйымдастыру үшін ASTRA құрастырмалы көпірді әзірледі. Көлік жүргізушілері жұмыс орнында жылдамдықты іс жүзінде төмендетпей қозғала алады, ал жол жөндеушілер, жаңа асфальт жаңбыр мен қардан қорғалған. ASTRA көпірін орнату көлік қозғалысын уақытша шектеуді қажет етеді, алайда, конструкцияны көлік қарасы аз демалыс күндері құруға болады. Көпірдің бірнеше учаскесі жүк көлігімен жеткізіліп, жоспарланған жұмыс аймағына түнде орнатылады. Құрылым екі жағынан тегіс кіреберістермен жабдықталған, бұл өз кезегінде көліктердің эстакадамен ешбір қиындықсыз жоғары және төмен қозғалуына мүмкіндік береді. ASTRA-ның қазіргі нұсқасының ұзындығы 257 метрден және ені 7,57 м-ден сәл асады, бұл көліктерге екі жолақты эстакадамен жүруге мүмкіндік береді. Жылдамдығы сағатына 60 шақырымға шектелген. Жөндеу жүргізілген жол аймағындағы жұмыс біткен соң гидравликалық көтергіштер көпірді бірнеше дюйм (10 см) көтеріп, келесі жұмыс аймағына - алға жылжыта алады.