Өсімтал, етті тауық тұқымы шығарылды

Ресейлік селекционерлер етті тауықтың өнеркәсіптік гибридін шығарды.

Ресейлік «Смена 9» асыл тұқымды құсы жоғары өнімділігімен ерекшеленеді әрі шетелдік түріне қарағанда екі есе арзанға түспек. "Известия" мерзімді басылымы жазғандай, олар шапшаң өсетіндіктен жемге шығын аз кетеді, ең бастысы – мейлінше өнімді, еті импорттық асыл тұқымды құстардың етіне қарағанда әлдеқайда дәмді әрі биологиялық тұрғыдан қауіпсіз. Селекционерлердің айтуынша, көптеген пайдалы жақтары Ресейдің әр аймағына тән тауық тұқымдарының сапасын үстемелеу арқылы алынған.