Автокөлік иелері жыл мезгілдеріне байланысты көліктің доңғалағын ауыстырып жатады. Әсіресе, жерге қар түскенде қарбаласқа түседі. Көп ұзамай мұндай әуре-сарсаңнан құтылады. Корейлердің Hyundai автокомпаниясы мұзда тайғанатпайтын тізбегі бар доңғалақ концепциясын жұртшылық назарына ұсынды. Бұл жайында islam.kz порталы techcult ақпарат көзіне сілтеме жасай отырып мәлім етеді. Әрбір шинаның алты доңғалақ спицімен қосылған алты арнайы ойығы бар. Өз кезегінде ойықтар ішінде пішінді жады мен қар тізбектерін еске түсіретін жаншылған қорытпалардан жасалған қалың сымдар бар, олар бастапқы күйде протекторға «тартылады». Көлікті оталдыру арқылы электр тогымен белсенді күйге енеді, ол үшін тайғақ жолда жүргізуші тек түймені басуы керек. Жадымен жабдықталған қорытпа өзінің бастапқы пішінін «есте сақтайды» және сым ілмегін протектордағы ойықтан «сығып», алдыңғы доңғалақ тізбектерін ауыстырады. Осылайша көлік жүргізушіні доңғалақ ауыстыру машақатынан құтқарады. Мұндай ноу-хау, яғни, аталмыш технология Америка құрама штаттары мен Оңтүстік Кореяда патенттелген.