Экипажы жоқ роботталған қайық Атлант мұхитын кесіп өтті – Солтүстік Америка жағалауына жетті. Бұл жайында islam.kz порталы hightech.fm ақпарат көзіне сілтеме жасай отырып мәлім етеді. Қайық Англиядан шығып, Жаңа Шотландиядағы Галифаксқа бет алды. Жоспарға бойынша кеме АҚШ-тың Массачусетс штатына бағыт алуы керек еді, бірақ, Майфлоуэр рейсі кезінде техникалық ақаулар туындап, бағытын өзгертуге тура келді. Сапар бес аптаға созылды, дейді кемені жасауға көмектескен IBM өкілі. 15 метрлік Mayflower кемесін жасанды зерде  басқарды: бортында капитан, штурман және механик болмады. Құрылғы күн панелдерінен қуат алды. Бортта бейнекамералар мен ғылыми жабдықтар да болды - бұл су үлгілерін алу, температураны, тұздылықты, дыбыстарды және т.б. жазу үшін қажет.

Дербес басқарылатын танкер Тынық мұхитын кесіп өтті

Инженерлер кемені ресми сертификаттаудан кейін келесі жылға дейін сатуға дайындап жатыр. Бұл жайында Islam.kz порталы newatlas.com ақпарат көзіне сілтеме жасай отырып мәлім етеді. HD Hyundai салмағы 122 000 тонна тартатын үлкен газ танкері Prism Courage жетістіктерін жариялады. Оны өзінің еншілес кәсіпорны Avikus басқарады және автономды басқарумен 10 000 шақырымнан асатын қашықтықты бағындырып, мұхитты кесіп өткен осындай алғашқы кеме ретінде танымал болды. Кеме 2022 жылдың мамыр айының 1-де Техас айлағынан шығып, Панама каналын басып өтіп, Тынық мұхитында жүзді. 33 күндік сапардан кейін ол Кореяның оңтүстігіндегі Шуншхон провинциясындағы Борёнг LNG (сұйытылған табиғи газ) терминалына келіп жетті. Саяхаттың екінші жартысында кеме HiNAS 2.0 автономды навигация жүйесінің бақылауында болды, ол оны басқарып қана қоймай, Hyundai Integrated Smartship Solution (ISS) жасанды зерде негізінде ең жақсы бағыттар мен оңтайлы жылдамдықтарды іздеді. HiNAS 2.0 отынды пайдалану тиімділігін 7%-ға арттырған және парниктік газдардың бөліну мөлшерін 5%-ға азайтқан. Бұдан бөлек, 100-ден аса өзге кемелермен соқтығысу қатерінің алдын алды. Prism Courage танкерін саяхат кезінде Америкалық кеме қатынасы бюросы мен корейлердің кеме қатынасын тіркеу органы қадағалаған.