Cутегімен және электрмен ұшатын ұшақ алғаш рет екі коммерциялық әуежай арасында ұшты. Бұл жайында islam.kz порталы designboom.com ақпарат көзіне сілтеме жасай отырып мәлім етеді. Штутгарттағы H2Fly сутегі авиациясының стартапы HY4 ұшағын 2203 метр биіктікке көтеріп, осы үлгідегі көлік рекордын жаңартқанын хабарлады. Бұл ұшу Германиядағы AERO Friedrichshafen авиашоуының бір бөлігі болды. HY4 2016 жылы алғаш рет ұшқан әлемдегі алғашқы сутегі электрлі жолаушылар ұшағы болды. Компания 2021 жылдың сәуір айында қаржыландырудың негізгі кезеңін аяқтады. HY4 – экологиялық таза отын элементімен жұмыс істейтін төрт орынды ұшақ. Сутегі оттегімен әрекеттесіп, электр тогы мен суға айналады. Осылайша, ол көміртегінің орнына қоршаған ортаға су бөледі, ол кәдімгі авиациядан бөлінетін көміртегімен салыстырғанда зиянсыз. H2Fly негізін қалаушылар болашақта модификацияланған сутегі-электр ұшағы 2000 шақырым қашықтыққа 40 жолаушыны тасымалдай алады деп есептейді.