7 жастағы Иса әл-Шәріп – Иорданияда ғана емес, сонымен қатар, әлемдегі ең жас имам. Десе де оның бұл жас шамасы мешітте жұма намазын өткізуіне кедергі емес. Дінтанушылар мен ислам ғалымдары, соның ішінде Иорданиядағы ислам  университетінде шариғаттан дәріс беретін доктор Хайдар Мұрат оның уағызына оңды пікір білдіруде, ең бастысы – баланың қабілеті бар, жамағатты ұйыта алады. Бала имам тек өз ауданындағы мешітте ғана емес, сонымен қатар, өзге қалалардағы мешіттерде уағыз айтып жүр. Әкесінің айтуынша, баласы қасиетті Рамазан айы бойы жамағатқа намаз оқытады әрі жұма сайын уағыз айтады. Бала имам болашақта кардиолог дәрігер болғысы келеді.