Мемлекеттік Думаның «Біртұтас Ресей» және «Әділетті Ресей» фракциялары атынан сайланған депутаттары түсік жасатуды міндетті медициналық сақтандыру жүйесінен шығаратын және түсікті тек мемлекеттік медицина мекемесінде ғана жасатуды қарастыратын заң жобасын талқылады. «Жүктілікті жасанды жолмен тоқтату ісі мемлекет есебінен тек аяғы ауыр әйелдің денсаулығына қатер төнгенде  немесе әлеуметтік себеп бойынша жүзеге асырылады»,- деп айтылған хабарда.РФ Денсаулық сақтау және әлеуметтік даму министрлігінің мәліметіне қарағанда жылына түсік жасатуға шамамен 5 млрд рубл бөлініп келген. Оның 3 пайызы ғана аяғы ауыр әйелдердің денсаулығына қатер төнгендердің түсік жасатуына жұмсалған. Ендігі жерде бұл қаражат аяғы ауыр әйелдерге көмек ретінде беріледі. Түсік жасатқысы келетіндердің 60 пайызы жағдайы жоқтықтан осындай қадамға баратын көрінеді.