Түркияның статистикалық институтының (TurkStat) келтірген дерегіне қарағанда, аталған елде жергілікті халықтың ділі мен дініне жат, “сұр аажырасу” деген атпен бегілі әлеуметтік құбылыс кеңінен етек алып келеді. Бұл арада ұзақ уақыт бойы некеде тұрған, дәлірегі, өмірдің ыстығына бірге күйіп, суығына бірге тоңған егде жастағы ерлі-зайыптылардың арасында ажырасу көрсеткіші күрт артып кеткені турасында сөз болып отыр. Бұл жайында islam.kz порталы mk-turkey ақпарат көзіне сілтеме жасай отырып мәлім етеді. TurkStat мәліметі бойынша өткен жылы осы жас тобындағы 55 595 ересек адам некесін бұзған. Бұл көрсеткіш соңғы бес жылдағы ажырасу санынан 44,53%-ға артық. 2001 жылы 50 жастан асқан адамдар арасында жалпы саны 16055 адам ажырасқан. 2024 жылға қарай 50-54 жастағы 16 мың 387 жұп ажырасқан. TurkStat сарапшылары атап өткендей, өткен жылы ажырасуға 50-54 жас аралығындағылардан 16 мың 387 ер және 10 мың 670 әйел, сондай-ақ, 55-59 жастағы 9 мың 34 ер және 5 мың 134 әйел өтініш берген. 2020 жылдан 2024 жылға дейінгі кезеңде 50 және одан жоғары жастағы адамдар арасындағы ажырасу деңгейі 38 мың 464-ден 55 мың 595-ға дейін өскен. Десе де түрік әлеуметтанушылары мен демографтары немесе сарапшылары Түркиядағы мұндай бөгде құбылыстың астарына үңілген емес. Яғни, жергілікті халықтың ділі мен дініне қайшы құбылыстың етек алуына не түркті болғаны жөнінде әлі күнге пікір білдірген емес.