Түркияның жастары бірнеше жыл қатарынан кеміп келеді. Бұл жайында islam.kz порталы mk-turkey ақпарат көзіне сілтеме жасай отырып мәлім етеді. TurkStat (Түркичның мемлкеттік статистикалық институты) келтірген дерекке сәйкес өткен жылы (2024) 15-24 жас аралығындағы ел тұрғындарының саны 85,6 млн адамды құрайтын жалпы халық санына шаққанда 14,9%-дан аспаған. Осы жас тобының үлесі 1950 жылы халықтың жалпы санына шаққанда 20,8%, 2013 жылы шамамен 16,6% болды және содан бері бұл көрсеткіш ұдайы төмендеп келеді. TurkStat мәліметінше, 2024 жылы жастар саны шамамен 12,7 млн адамды құрады, 51,2% - ерлер және 48,8% - әйелдер. Мұндай демографиялық құлдырауға қарамастан, Түркиядағы жастардың үлесі Еуропалық одаққа (ЕО) мүше елдер бойынша орташа көрсеткіштен едәуір жоғары болып отыр. 2024 жылы ЕО-ның 27 еліндегі жастардың орташа үлесі 10,7 пайыздан аспады. Түркия билігі мемлекеттің қуаты – халық санын төмендетпеудің барлық амалын қарастырып келеді: биыл «Отбасы жылыә деп жариялап, балалар жәрдемақысына қатысты жаңа бағдарлама қабылдады. Туу көрсеткішінің төмендеуіне қатысты ең нашар сценари бойынша 2100 жылға таман елдегі жастар үлесі 11,4% деңгейінен аспауы мүмкін.