Ай емес, жыл емес, апта сайын қару-жарақ арсеналын жаңалап, қорғаныс өнеркәсібінде осы заманғы озық технологияны батыл енгізіп жатқан Түркия Грекия мен Израилге дейін ұшып жететін, салмағы 500 келіден асатын Tayfun баллистикалық зымыранын сынақтан сәтті өткізді. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Roketsan ұлттық қорғаныс корпорациясы құрастырған Tayfun балластикалық зымыраны Қара теңіз жағалауындағы Риза провинциясы аумағында орын тепкен полигонда сынақтан өткізілді. Түркияның қоғаныс өнеркәсібі басқармасының жетекшісі Халық Кергін әлеуметтік желіде (Х) елдің технологиялық жетістігінің айнасына айналғанын атап өтіпті. Түркия 2023 жылы Tayfun бағдарламасына кіріскенін жариялаған болатын. Соның ішінде Block 1 - зымыранының алғашқы нұсқасы 800 шақырымға дейінгі радиусты қамтитын және салмағы 500 келіге жуық тартатын әскери бөлігі бар аз қашықтықтағы баллистикалық зымыран. Бұл нұсқаның алғашқы сынақтары 2022 жылы өтті. Өткен жылдың қазан айында Block 4-тің ауыр нұсқасы алғаш рет сынақтан өткен болатын. Қолда бар мәлімет бойынша Block 4 алдыңғы нұсқадан екі есе ұзын және шамамен 10 метрге жетеді, ал оның салмағы 7 тоннадан асады. Жаңа нұсқаның ықтимал ұшу қашықтығы 1000 шаақырымнан асады. Екі нұсқа да GPS және ГЛОНАСС спутниктік жүйелері бойынша түзету арқылы бағыттау жүйесімен жабдықталған. Roketsan өкілдері бұған дейін Block 4 гиперсоникалық сыныпқа жататынын айтқан болатын. Аталған зымыранның Махтың бес санынан артық жылдамдықты дамыту қабілеті ресми түрде расталады, алайда, атмосферада осындай жылдамдықта маневр жасау мүмкіндігі туралы мәселе басы ашық күйінде қалып отыр. Мәлімделген сипаттамалар кезінде Tayfun Грекия мен Израилдің бүкіл аумағындағы нысаналарды атуға қабілетті. Екі елді де Анкара негізгі өңірлік қарсыластар ретінде қарастырады. Сонымен қатар, түрiк қорғаныс өнеркәсiбi одан да қуатты орта қашықтықты зымыран әзiрлеудi қолға алып жатыр, оның әрекет ету радиусы 2000 шақырымға жетуi мүмкiн. Грек билігі Tayfun жүйесінің аз жылда осынша деңгейде жетілдірілгеніне алаңдаушылық білдіріп отыр. Ал Түркиямен арасы салқын Израил әзірге бұл саныққа қатысты ресми пікірін білдірген емес, десе де сарапшылар Түркияның зымыран бағдарламасы өңірде жаппай қарулану науқанына жол ашатынын ескертуде.