Түркияда жасанды зерде элементтері пайдаланылған лазерлі қару пайда болды. Бұл жайында islam.kz порталы trend.az ақпарат көзіне сілтеме жасай отырып мәлім етеді. Мұндай қарудың бір түрі – Түркияның қорғаныс саласындағы жетекші компаниялардың бірінен саналатын ROKETSAN мамандары жасаған ALKA бағытталатын энергетикалық қару жүйесі. ALKA - асимметриялық қауіптерге қарсы тұру үшін электромагниттік және лазерлік технологияларды пайдаланатын гибридті әуе қорғаныс жүйесі. Қарудың бұл түрі бронетранспортерлер мен стационарлық объектілерге орнатылуы мүмкін, ол негізінен дрондарды жоюға, сондай-ақ, миналар мен қолдан жасалған жарылғыш құрылғыларды қашықтықтан жаруға арналған. Оның максималды қашықтығы - 4 шақырым, ал дронды тиімді жою қашықтығы - 1 шақырым.