Сауд Арабиясының мәдениет министрлігінің сән жөніндегі комиссиясы «Тұрақты ихрам» деп аталатын экологиялық маңызы жоғары жобаны қолға алды. Бұл жайында islam.kz порталы Siasat ақпарат көзіне сілтеме жасай отырып мәлім етеді. Ихрам қажылық кезінде киетін арнайы киім үлгісі. Рухани тазалықтың рәмізі іспетті бірыңғай ақ матадан тұратын ихрам қасиетті Қағбаны тәу еткенде пайдаланылады. Алайда, бұл киім үлгісі қажылық парызды орындаған соң керексіз болып қалады. Ысырапқа жол бермеуді мақсат еткен Саудия билігі тасталған ихрамды жинап, сұрыптайды әрі жаңа ихраи тігу үшін өңдеуден өткізеді. Дәлірегі, бұл бастама саудиялық қалдықтарды өңдеу жөніндегі инвестициялық компания (Saudi Investment Recycling Company) мен экологиялық сән саласындағы белгілі Tadweem компаниясы айналысады. Бұдан бөлек, аталған комиссия «SANKO Textile» компаниясымен серіктестік туралы келісім жасасты. Пайдаланылған ихрамның басым бөлігі Мина аумағындағы палаткаларға жиналып, қайта өңдеуге жібермес бұрын мұқият тексеріледі. Содан кейін олар Дубайда шикізатқа айналдырылады, сосын Түркияға жөнелтеді, онда жаңа қажылық киім (ихрам) дайындалып, Сауд Арабиясына қайтарылады. 98 сауд риалы бағасы бойынша қайта өңделген ихрам қазіргі уақытта қасиетті Мәдинде бар. Болашақта олардың Меккеге, ірі әуежайларға және елдің басқа да өңірлеріне таратуды жоспарлап отыр. Бұл бастама Saudi Vision 2030 қоршаған ортаны қорғау мақсатына сәйкес келеді және Сауд Арабиясында тұрақты сән тарату жолындағы маңызды қадам саналады. Бастама экологиялық дағдыны ілгерілетуге, тоқыма өнімдерін қоршаған ортаға зиянсыз етуге, тұтынушылардың экологиялық таным-түсінігін арттыруға және елдегі тоқыма саласында тұйық кезеңді экономиканы дамытуды қолдауға бағытталған.