Стамбулда жолды кескен шағала 9 көліктің апатқа ұшырауына себепкер болды. Бұл жағдай жолда орнатылған бейнебақылау камерасына түсіп қалған.

Көлік апаты шамамен таңғы 9-дарда D-100 магистралінде болған. Видеодан асықпай жолды кескен шағаланы өткіземін деп көлік жүргізушісі тежегішке басқанын байқауға болады. Ақырында бірінен соң бірі келе жатқан 8 көлік бір-біріне соқтығысып қалады.

Жол апатына кінәлі шағала бірден оқиға орнынан ұшып кеткен. Бір жүргізуші жарақаттармен емханаға жеткізіліп, трассада ұзын-сонар кептеліс пайда болды деп хабарлады tvzvezda.ru.