Мерилэнд штатындағы бұл мешіт тек қана Америкадағы ғана емес, Батыс жарты шарындағы алып құлшылық ордасы болып табылады. Аталмыш мешіт Америка Ислам орталығы мен Түрік билігінің бірлескен жұмысы арқасында бой көтеріп отыр.

Мешіттің алғашқы кірпішін 2013-жылы Мерилэнд штатына келген Түркия президенті Реджеп Тайып ердоған қалаған болатын.

Құлшылық ордасының құрылысына жалпы көлемі 100 млн доллар қаржы жұмсалған.

Суреттен көріп отырғандарыңыздай, мешіт түрік халқының дәстүрлі сәулет өнері негізінде салынған.

Құлшылық ордасы 6 күмбезден: 1 негізігі және 5 қосымша күмбезден тұрады. Негізгі күмбезге мешіт ішін жарықтандыру мақсатында арнайы терезе қойылған. Күмбездің ішкі жағы араб каллиграфиясымен әшекейленген.

Миллион тұратын есік. Сәулетшілердің айтуынша, мешіттің негізгі есігінің құны осынша тұратын көрінеді. Селжұқтар дәуіріндегі технология бойынша жасалған бас есік өрт пен жер сілкінісі сияқты табиғи апаттарға тым төзімді болып келеді.

Бұл АҚШ-тағы екі мұнаралы бірден-бір мешіт.

Әйелдерге арналған бөлменің ауданы 4 000 шаршы метр

Мешіт ішінде 220 адамға арналған арнайы дәрісхана залы да бар.