BMI есебіне сәйкес Иорданияның фармацевтикалық өнімдер экспорты 2029 жылы қазіргі 980 млн доллардан 1,4 млрд долларға ұлғаяды. Жылдық 8,9% өсу қарқынын жоғалтпаса. БҰл жайында islam.kz порталы Healthcare Asia ақпарат көзіне сілтеме жасай отырып мәлім етеді. Аталған араб елі мұндай жетістікке инфрақұрылымын жақсарту әрі дәрі-дәрмек сапасын арттыру арқылы жетіп отыр. Дәлірегі, Иорданияның фармацевтикалық өнімдері аймақта үлкен сұранысқа ие болып отыр. Елдің статистика департаментінің ай сайынғы сыртқы сауда-саттық есебінде фармацевтикалық экспорттың жыл сайын 14,8%-ға өскені тіркелген, яғни, ақшаға шаққанда 885 млн долларға артқан Фармацевтика Иорданиядағы өнеркәсіптік экспорттың қарқынды дамып келе жатқан екінші құрылымы ретінде алға шыққан. «Иордания 2029 жылға дейін Таяу Шығыс пен Солтүстік Африка аймағында фармацевтикалық сауда-саттықтың бірден-бір оң балансын көрсете отырып, фармацевтикалық экспорт нарығында басым ойыншы болып қала береді», - деп айтылған  BMI хабарламасында.