Вашингтон қаласындағы Галлодет университеті әлемдегі саңырауларға арналған жалғыз жоғарғы оқу орны. Оның қабырғасында ишарамен оқыту ағылшын тіліне негізделген. Сол себепті, бұл оқу ордасында білім алғысы келген талапкер ең алдымен ағылшын тілін жетік меңгеруі тиіс. Аталмыш жоғарғы оқу ордасында әлемнің түкпір-түкпірінен келіп оқитын мүмкіндігі шектеулі жандар арнайы бағдарлама бойынша білім алуда. Десе де, бұл университет қабырғасында студенттер қатардағы стандартты жоғарғы оқу орындарындағы пәндер оқытылады. Аталмыш университетін бітіріп шыққан түлектердің шамамен 95 пайызы жұмыс табады немесе сол білім ордасында білім алуын жалғастырып, магистратурада оқиды.