Виктор Таранин есімді кәсіпкер бала көтертуге қабілеті бола тұра перзент сүйгісі келмеген отбасыларға немесе ерлерге салық салуды бастама етіп көтерді. Бұл жайында islam.kz порталы ресейлік бұқаралық ақпарат құралдарына сілтеме жасай отырып мәлім етеді. Ал мұндай салықтан түскен қаражат көп балалы отбасыларға жұмсалады. Бұл бастаманы Ресей федерациясының мемлекеттік думасының бюджет жөніндегі комитет мүшесі, депутат Евгений Федоров та қолдап отыр. Оның айтуынша, мұндай бастаманы толық жүзеге асыруға болады. Дәлірегі, отбасын құратын жасқа келсе де шаңырақ көтеруден қашып жүрген бойдақтарға салық салу туралы ұсыныс Мәскеу экономикалық форумында айтылды. Ресей аумағында бүгінде 30 млн бойдақ бар екен. Міне, осылардың тапқан табысының 20%-ын ұстап қалу керек. Мұндай салықта негізінен 25-45 аралығында ерлерге салуды ұсынды. Дегенмен, кәмелет жасына толғаннан кейін бірден салық салынбайды, өйткені, адам 25 жасына дейін алатын білімін алып, оқитын оқуын оөып, белгілі бір мамандық иесі атанады. Нағыз отау құратын жаста болады. Ресейдегі халық санының түрлі саяси (Украинадағы басқыншылық саясаты) және демографиялық факторларға байланысты азайып кетуіне байланысты бір әйел кем дегенде 3 баладан табуы тиіс. Бойдақтардан түскен салық 3 және одан да көп баласы бар отбасылардың әлеуметтік төлемақысына жұмсалатын болады. Бұдан бөлек, 3 және одан көп балалы әйелдерді өмір бойы салықтың барлық түрінен босату ұсынысы да айтылып жатыр.