Катардың сауда және өнеркәсіп министрлігі (MoCI) ел аумағындағы азық-түлік және тұрмыстық заттар мен бұйымдар сауда желілерінде бірнеше жүздеген тауар түрлерінің бағасын наурыздың 23-нен бастап қасиетті Рамазан айы аяқталғанша түсіретінін жария етті. Бұл жайында islam.kz порталы islam.ru ақпарат көзіне сілтеме жасай отырып мәлім етеді. Дәлірегі, аталған араб елінде адамға ең қажетті деген тауарлардың 800-ден астам түрінің бағасын түсіру арқылы ораза ұстағандарға жағдай жасайды. Соның ішінде, бал, ұн, ұн өнімдері, жүгері, күріш, сүт өнімдері, қант, тұз, кофе, минералды сусындар, май, шай, құс еті, т.б. азық-түлік пен тағам өнімдерінен бастап, кір жуатын ұнтақ, жеке бас тазалығына арналған бұйымдарға дейін уақытша арзандайды.