Қытайдың ядролық арсеналында шамамен 280 оқтұмсық бар және алдағы он жыл ішінде бұл көбейтілуі мүмкін. Қытайдағы ядролық оқтұмсықтардың дені 200-300 килотонналық оқтұмсықтар. Бұл жайында америкалық ғалымдар федерациясының ядролық бағдарламалар директоры Ханс Кристенсен мен оның әріптесі Роберт Норрис  Bulletin of the Atomic Scientists деп аталатын мерзімді басылымның шілде-тамыз айларына арналған санында мәлім етті. "Қытай 1980-ші жылдары бастаған ядролық қаруын жетілдіру бағдарламасын жүзеге асыруды жалғастыруда",- деп айтылған мақалада. Бұдан бөлек, Қытай иелігінде ядролық қозғалтқышы бар төрт субмарин бар. Олардың әрқайсысында 12 ату қондырығысынан орнатылған. Олардан атылған зымыранның ұшу қашықтығы, Пентагон есебі бойынша 7 мың шақырымнан асады.