"ВКонтакте" әйгілі әлеуметтік желісіндегі «Құдай жоқ» деп аталатын ғаламтор қауымдастығы Шешенстан астанасындағы Ленин ауданы сотының үкімімен жабылды. Атышулы бұл қауымдастық Ресей православ шіркеунің өкілдерін, праволав белсенділерін, діни маңызы бар мереке-мейрамдарды әжуаға айналдырып келген болатын. Аталмыш қауымдастыққа 20 мыңнан аса адам мүше көрінеді. Шешен белсенділері «Құдай жоқ» қауымдастығының үстінен үстіміздегі жылдың сәуір айының 17-і күні сотқа шағым түсірген болатын. Осы істі қараған прокуратура адамның наным-сенім бостандығын, ар-ожданын қорлайтын материалдарды тапқан.