Пәкістан қарулы күштері елдің инженерлері құрастырған Fateh-4 отандық қанатты зымыранды сынақтан сәтті өткізді. Бұл жайында islam.kz порталы Daily Times ақпарат көзіне сілтеме жасай отырып мәлім етеді. Зымыран жерден ұшырылады және ұшу қашықтығы – 750 шақырым. Бұл қанатты зымыран Пәкістанның қорғаныс қабілетін нығайтатын қарулардың біріне айналмақ. «Фатх-4» алдыңғы қатарлы авионикамен және оның дәлдігі мен тиімділігін арттыратын навигациялық жүйелермен жабдықталған. Ол жерге жақын ұша алады - бұл инновациялық артықшылығы оны жау радарлары мен зымыранға қарсы қорғаныс жүйелерімен анықтауды қиындатады. Бұл ерекшелік зымыранға тосып алудан жалтаруға және нысаналарды шекті дәлдікпен атуға мүмкіндік береді.